Dýravarpið

#12 Brunavarnir fyrir gæludýr

Slökkviliðsmaðurinn Guðjón S. Guðjónsson kom til okkar og ræddi brunavarnir fyrir gæludýr. Þetta er seinni þáttur okkar um eldvarnir en í þætti #11 kom Erna og sagði okkur frá skelfilegum atburði sem hún lenti í. Hvað ber helst að varast? Hvernig tryggjum við öryggi dýranna okkar ef eldur kemur upp? Þessum spurningum og mörgum fleiri er svarað í þætti dagsins.

#11 Martröð dýraeigandans - Húsbruni

Erna Christiansen upplifði martröð allra dýraeigenda þegar eldur kviknaði á heimli hennar þar sem hundarnir hennar voru inni. Hún segir okkur frá þessum örlagaríka degi og lífinu eftir brunann.

#10 Andleg örvun, hundasálfræði og þefleikir

Í þættinum í dag ræða Eva María og Berglind andlega örvun eða heilaleikfimi hunda. Þær fara yfir nýlegar rannsóknir um hundasálfræði og fara svo yfir nokkra skemmtilega þefleiki sem allir geta gert með hundunum sínum.

#9 Hjálparhundar og merkileg dýr

Í þættinum ræða Eva María og Berglind við Ragnheiði Lilju Maríudóttur um Lunu, hjálpar hundinn hennar. Einnig var farið yfir dýr sem hafa gert merkilega hluti, eins og að þefa uppi krabbamein.

#8 Umönnun öldunga og regnbogabrúin

Eva María og Berglind ræða við Hönnu Arnórsdóttur, dýralækni, um umönnun öldunga. Hvað er hægt að gera fyrirbyggjandi til að gera ellina betri fyrir dýrin? Hvað þarf að hafa í huga þegar dýrin byrja að eldast? Við ræðum einnig síðustu kveðjuna og hvernig það ferli fer fram.

#7 Tilfinningar og merkjamál katta

Eva María og Berglind ræða tilfinningar og merkjamál katta. Farið er yfir jákvæðar og neikvæðar tilfinningar katta og hvernig hægt er að lesa í hegðun þeirra.

#6 Hundaeftirlitið: Í hvað fara hundaleyfisgjöldin?

Guðfinna Kristinsdóttir ræddi við okkur um hundaeftirlitið, nýja dýraþjónustu hjá Reykjavíkurborg og Dýrfinnu.

#5 Meðganga og fyrstu vikur eftir fæðingu

Eva María og Berglind ræða við Tönju um meðgöngu og fyrstu vikur eftir fæðingu. Berglind og Tanja gengu báðar í gegnum erfitt tímabil þegar barn kom á heimilið.

Styrktaraðili: www.betrimedganga.is

#4 Hundasvæði

Eva María og Berglind ræða hundasvæði á Íslandi og hvað er gott að hafa í huga þegar farið er á slík svæði.

#3 Inni- og útikisur

Kolbrún Sara og Anna Margrét ræddu við okkur um inni- og útikisur. Er hægt að gera útikisu að innikisu? Hvað þarf að hafa í huga til að innikisum líði vel? Hverjir eru kostir og gallar við að vera útiköttur? Þessum spurningum og mörgum fleiri er svarað í þættinum.